អបអរ Demi Lovato រៀបចំពិធីរៀបការ ជាមួយ តន្រ្តីកររូបនេះ

កម្សាន្ត៖ ធ្វើឲ្យហ្វេនៗជាច្រើន មានការភ្ញាក់ផ្អើល ក្រោយដឹងដំណឹង តារាចម្រៀងស្រី Demi Lovato បានរៀបចំពិធីមង្គលការ ជាមួយតន្ត្រីករ Jutes នៅរដ្ឋកាលីហ្វ័រញ៉ា កាលពីថ្ងៃទី ២៥ ខែឧសភា កន្លងទៅនេះ។

យោងតាមទស្សនាវដ្តី Vogue បានបង្ហាញថា តារាចម្រៀងស្រី Demi Lovato ស្លៀកពាក់រ៉ូបអាពាហ៍ពិពាហ៍ satin ពណ៌ស ដែលរចនាដោយ Vivienne Westwood ។ កូនក្រមុំ បានពាក់ស្បៃមុខ tulle វែងៗ ពេលនាងដើរតាមច្រកផ្លូវ។ នៅឯពិធីជប់លៀង Demi បានផ្លាស់ប្តូរ ទៅជារ៉ូបអាពាហ៍ពិពាហ៍មួយផ្សេងទៀត ដោយអ្នករចនាម៉ូតដដែល ប៉ុន្តែជាមួយនឹងការរចនាដ៏តឹងរឹង និងវាលកជ្រៅ។ កូនកំលោះ Jutes ពាក់ឈុតពណ៌ខ្មៅដ៏ស្រស់ស្អាត ជាមួយនឹងអាវពណ៌ស និងក្រវ៉ាត់កពណ៌ខ្មៅ។

តន្ត្រីករ Jutes ដែលមានវ័យ ៣២ ឆ្នាំ បានស្នើសុំរៀបការ ទៅតារាចម្រៀងស្រី Demi Lovato វ័យ ៣៤ ឆ្នាំ ក្នុងខែធ្នូឆ្នាំ ២០២៣ បន្ទាប់ពី មួយឆ្នាំ នៃទំនាក់ទំនងរបស់ពួកគេ ជាសាធារណៈ។ តារា​ទាំង​ពីរ​បាន​ជួប​គ្នា​ ពេល​សហការ​ក្នុង​អាល់ប៊ុម​ឆ្នាំ ២០២២ Holy Fv-k។

ទិវានៃក្តីស្រឡាញ់ឆ្នាំនេះ Demi Lovato បានលេងសើចជាមួយនឹងពិធីមង្គលការរបស់នាងនាពេលខាងមុខ ដោយបង្ហោះរូបថតខ្លួននាង ក្នុងឈុតអាពាហ៍ពិពាហ៍ ថតជាមួយ Jutes ។ នាងបានសរសេរថា «Jordan, ខ្ញុំមិនអាចរង់ចាំរៀបការបានទេ! បីឆ្នាំចុងក្រោយនេះ គឺជាបីឆ្នាំដ៏ល្អបំផុតនៃជីវិតរបស់ខ្ញុំ។ អរគុណសម្រាប់រឿងនោះ»។

Jutes (ឈ្មោះពិត Jordan Lutes) ក៏បានបង្ហាញពីអារម្មណ៍របស់ខ្លួននៅលើ Instagram ថា «រីករាយថ្ងៃបុណ្យនៃក្តីស្រឡាញ់ចំពោះសេចក្តីស្រឡាញ់នៃជីវិតរបស់ខ្ញុំ។ ពាក្យមិនអាចបង្ហាញវាបានទេ ហើយខ្ញុំនឹងមិនឈប់មានអារម្មណ៍ ដូចជាបុរសសំណាងបំផុតទេ»៕ ។

ប្រភព៖ Ngoisao.net

សូមទស្សនារូបភាពខាងក្រោម៖