អត្ថន័យជ្រាលជ្រៅ ! រ៉ាប៊ី តែងចម្រៀងមួយបទ ឲ្យស្វាមី ទុកជាកាដូ ចាក់ស្ដាប់រហូតដល់ចាស់

កម្សាន្ត៖ កាលពីថ្ងៃទី ០៩ ខែឧសភា ឆ្នាំ ២០២៥ កន្លងទៅនេះ ម្ចាស់បទ "មាន់ស្រែ" តារាស្រី រ៉ាប៊ី បានសំពះផ្ទឹម ចូលរោងការតាមប្រពៃណីខ្មែរ ជាមួយកីឡាករបាល់ទាត់ដីល្បីល្បាញកូនកាត់បរទេស Nick Taylor ដែលទទួលបានការជូនពរយ៉ាងច្រើនពីសំណាក់អ្នកគាំទ្រ។​

អ្វីដែលគួរឲ្យរំភើបទៅទៀតនោះ កូនក្រមុំ បានសរសេរចម្រៀងមួយបទជូនទៅកាន់កូនកម្លោះ ដែលមានចំណងជើងថា បានទេអូនសុំប៉ុណ្ណឹង ដែលមានអត្ថន័យពិតជាផ្អែមល្ហែមមែនទែន ដែលបទនេះ ជាកាដូទុកឲ្យស្វាមីស្ដាប់រហូតតទៅ។

មិនតែប៉ុណ្ណោះ បទចម្រៀងនេះ អមជាមួយនឹងវីដេអូនៃពិធីមង្គលការរបស់ រ៉ាប៊ី និង Nick ដែលធ្វើឲ្យបទនេះ ស្ដាប់ទៅកាន់តែពិរោះ យល់អត្ថន័យជ្រាលជ្រៅនៃក្ដីស្រឡាញ់របស់អ្នកទាំងពីរ។ ជាមួយគ្នានេះដែរ អ្នកគាំទ្រនាំគ្នាសរសើរអំពីបទចម្រៀងមួយនេះថាពីរោះខ្លាំងមែនទែន ពិសេសគឺបានមើលវីដេអូចម្រៀងទៀត ធ្វើឲ្យបទនេះកាន់តែល្អ៕

រូបភាពពី៖ Image Hunter Photography

សូមទស្សនាបទចម្រៀងខាងក្រោមនេះ៖