រូបភាពថ្មី ចៀវៃ និង ស្វាមី ចេញមកកម្សាន្ត ជាមួយ កូនស្រី យ៉ាងមានក្ដីសុខ

កម្សាន្ត៖ តារាសម្តែងស្រី Ruby Lin និង ស្វាមី លោក Wallace Huo បាននាំកូនស្រីអាយុ ៩ ឆ្នាំរបស់ពួកគេទៅមើលកុន ដើរទិញឥវ៉ាន់ និងញ៉ាំការ៉េមជាមួយគ្នាកាលពីថ្ងៃទី ៤ ខែឧសភា កន្លងទៅនេះ។

នៅក្នុងរូបថតជាច្រើនសន្លឹក ដែលត្រូវបានចែករំលែកនៅលើ Weibo បានបង្ហាញថា Ruby Lin និងស្វាមីរបស់នាង បានកាន់ដៃកូនស្រីរបស់ពួកគេ ដើរតាមផ្លូវ។ ក្នុងវ័យ ៩ ឆ្នាំ កូនស្រីតូចរបស់តារាប្រុសស្រីរូបនេះ មានកម្ពស់ប្រហែល ១៤៥ សង់ទីម៉ែត្រ ជាមួយនឹងមុខដ៏ស្រស់ស្អាត។ ខណៈ Ruby Lin បាន​ចង​សក់​របស់​នាង​ឡើង​ខ្ពស់ ស្លៀក​សម្លៀក​បំពាក់បែប​សាមញ្ញ ។

បន្ទាប់​ពី ​មើល​កុន អ្នកទាំង​បី​ បាន​ទៅ​ផ្សារ​ទំនើប​ ដើម្បី​ទិញ​ទឹកដោះគោ នំប៉័ង និង​ការ៉េម​ស្ត្របឺរី។ ពេល​ឪពុក​និង​កូន​ស្រី​កំពុងញ៉ាំ Ruby Lin បាន​ជួយ​កូន​ស្រី​ចង​សក់។ Paparazzi បាននិយាយថា Wallace Huo ភាគច្រើនដាក់ចង្ការបស់ខ្លួននៅលើដៃ ដោយមើលកូនញ៉ាំ ដោយអាកប្បកិរិយាយកចិត្តទុកដាក់បំផុត។ យ៉ាងណាមិញ ភាពស្និទ្ធស្នាលរបស់គ្រួសារ Ruby Lin បានលុបបំបាត់ពាក្យចចាមអារ៉ាម អំពីបញ្ហាអាពាហ៍ពិពាហ៍របស់ពួកគេ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖