កម្សាន្ត៖ តារាសម្ដែងស្រីវ័យ ៥៨ឆ្នាំ Carman Lee កាន់តែធ្វើឲ្យហ្វេនៗជាច្រើន មានការចាប់អារម្មណ៍ បន្ទាប់ពីបានបង្ហាញសម្រស់ស្រស់ស្អាត ក្នុងឈុតថ្មីពោរពេញដោយភាពទាក់ទាញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កាលពីថ្ងៃទី ១៣ ខែវិច្ឆិកាកន្លងទៅនេះ តារាសម្ដែងស្រី Carman Lee បានបង្ហោះរូបថតដ៏ស្រស់ស្អាតមួយ ជាមួយនឹងសារបង្ហោះថា «សុបិនចង់វិលទៅទសវត្សរ៍ឆ្នាំ ១៩៩០» នៅលើទំព័រផ្ទាល់ខ្លួនរបស់នាង។ នៅក្នុងរូបថតនោះ តារាស្រីរូបនេះ បានស្លៀករ៉ូបវែងពណ៌ក្រហមយ៉ាងឆើតឆាយ ជាមួយនឹងបបូរមាត់ពណ៌ក្រហមភ្លឺ រួមទាំងលេងម៉ូតសក់ខ្មៅរួញ ចុះពីលើស្មារបស់នាង។
មិនត្រឹមតែប៉ុណ្ណោះ ឈុតសម្លៀកបំពាក់នេះ បានជួយឱ្យតារាស្រីរូបនេះ បានបង្ហាញជើងវែងដ៏សិចស៊ីរបស់នាង គួរឲ្យចាប់អារម្មណ៍យ៉ាងខ្លាំង។ ជាពិសេស ពេលដែលរូបថតនេះត្រូវបានចែករំលែក អ្នកមើលជាច្រើន បានបន្សល់ទុកសារសរសើរ ពីសម្រស់របស់តារាស្រីរូបនេះ ដែលនៅតែស្រស់ស្អាត ក្មេងជាងវ័យ ផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T