បរទេស៖ Riana ជាជ័យលាភីលេខ១ ក្នុងកម្មវិធី Asia’s Got Talent ២០១៧ និងត្រូវបានគេស្គាល់នាងជាច្រើនស្ទើរតែទូទាំងពិភពលោក អំពីទេពកោសល្យរបស់នាងតាមរយៈ កម្មវិធីប្រកួតប្រជែងលំដាប់ថ្នាក់ពិភពលោក Asia’s Got Talent ដែលនាងបានបង្ហាញឲ្យឃើញពីសមត្ថភាពរបស់នាងដ៏រន្ធត់ ព្រឺព្រួច នៅលើឆាកដ៏អស្ចារ្យ និងបានធ្វើឲ្យទស្សនិកជន ជាពិសេសគឺគណកម្មការ​ ភ័យខ្លាចមិនស្ទើរ។

ប្រវត្តិដ៏អាថ៌កំបាំងរបស់នាង ត្រូវបានគេយកមកផលិតជាខ្សែភាពយន្តដ៏ព្រឺព្រួច នោះគឺរឿង The Sacred Riana Beginning “ អ្នកស្នងវិញ្ញាណបិសាច ” មើលហើយគួរឲ្យខ្លាចជាង ការសម្ដែងរបស់នាងនៅលើឆាកទៅទៀត។ហើយរឿងនេះ នឹងមានចាក់បញ្ចាំងនៅគ្រប់រោងភាពយន្តទាំងអស់ ក្នុងប្រទេសកម្ពុជានាថ្ងៃ ២១ ខែ មិនាឆាប់ៗនេះ។ កុំភ្លេចរង់ចាំទស្សនាទាំងអស់គ្នាណា!!!