កម្សាន្ត៖ តារា​សម្ដែងស្រី Liu Yifei បានបង្ហាញ​ខ្លួន​យ៉ាង​ស្រស់​ស្អាត ដោយ​ស្លៀក​ពាក់​បែប​យុវវ័យ ​ក្នុង​កម្មវិធី​មួយ​ ដែល​ប្រារព្ធ​ឡើង​ក្នុង​ថ្ងៃ​ខួប​កំណើត​របស់​នាង។

កាលពីថ្ងៃទី ២៥ ខែសីហា កន្លងទៅនេះ តារាសម្ដែងស្រី Liu Yifei បានចូលរួមសន្និសីទសម្ពោធផលិតផលថ្មីរបស់ក្រុមហ៊ុនមួយ នៅទីក្រុង Chengdu ក្នុងនាមជាឯកអគ្គរដ្ឋទូតម៉ាកយីហោ។ ថ្ងៃនោះដែរ ក៏ជាថ្ងៃខួបកំណើតរបស់នាង ដូច្នេះហើយទស្សនិកជន និងអ្នកគាំទ្រជាច្រើន បានផ្ញើសារអបអរសាទរដល់រូបនាង។ ជាការឆ្លើយតប នាងបានសម្តែងការដឹងគុណ ដោយចែករំលែកថា៖ «ខ្ញុំសង្ឃឹមថា គ្រប់គ្នាមានភាពក្លាហានក្នុងការបោះជំហានទៅមុខលើវិថីនៃការក្លាយជាកំណែ ដែលប្រសើរជាងមុន។ កុំខ្លាចក្នុងការដើរលើវិថីនៃសេរីភាព ចាប់ផ្តើមជារៀងរាល់ថ្ងៃ ប្រាថ្នាចង់បានក្តីសុបិន និងរីករាយជាងនេះ។

ក្នុង​ព្រឹត្តិការណ៍​នោះ Liu Yifei ក៏បានទាក់ទាញការចាប់អារម្មណ៍ ដោយបានបង្ហាញខ្លួនយ៉ាងស្រស់ស្អាត ជាមួយនឹងការស្លៀក​រ៉ូប​ពណ៌​ខ្មៅ​ខ្លី​ទាន់សម័យ។ នៅលើ Weibo ទស្សនិកជនជាច្រើន បានសរសើរនាង ពីភាពស្រស់ស្អាតដូចទេពធីតា ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖