រូបភាពថ្មី កូនភ្លោះទាំងពីរ Angelina Jolie បង្ហាញភាពស្រស់ស្អាត ត្រូវគេចាប់អារម្មណ៍ លើរឿងនេះ

កម្សាន្ត៖ Knox និង Vivienne ដែលត្រូវបានគេស្គាល់ថា ជាកូនភ្លោះរបស់តារាសម្ដែងស្រី Angelina Jolie បានចេញបង្ហាញខ្លួននៅខាងក្រៅ ដោយបានតុបតែងក្នុងសម្លៀកបំពាក់រដូវក្តៅ ដែលជាទីចាប់អារម្មណ៍របស់ទស្សនិកជនជាច្រើន។

តាមរយៈរូបភាពដែលបានបង្ហាញ កូនភ្លោះទាំងពីររូបនេះ ត្រូវបានគេប្រទះឃើញ ដើរទិញឥវ៉ាន់ជាមួយគ្នា នៅទីក្រុង Los Angeles កាលពីប៉ុន្មានថ្ងៃមុន។ ក្នុងនោះដែរ Vivienne បានតុបតែងខ្លួន ពាក់អាវយឺតពណ៌ស ខោខូវប៊យ និងស្បែកជើងប៉ាតា។ ខណៈ Knox បានជ្រើសរើសសំលៀកបំពាក់ដូចគ្នា និងស្បែកជើងស-ខ្មៅ ដូចទៅនឹងប្អូនស្រីរបស់ខ្លួន។

កូនភ្លោះទាំងពីររូបនេះ ចូលចិត្តស្ទាយ៍បែបសាមញ្ញ ​និងមិន​សូវស្លៀក​សម្លៀក​បំពាក់​បែបប្រណិតនោះ​ទេ ខណៈភាគច្រើន​ អ្នកទាំងពីរ តែងតែ​ជ្រើស​រើស​ម៉ាក ​ដែល​មាន​តម្លៃ​សមរម្យ។

កូនភ្លោះទាំងពីររូបនេះ នឹងមានអាយុ ១៧ ឆ្នាំ នៅថ្ងៃទី ១២ ខែកក្កដាខាងមុខនេះហើយ ព្រមទាំងត្រូវបានគេនិយាយថា ពួកគេពិតជាស្រស់ស្អាត ដែលទទួលបានមកពី របស់ឪពុកម្តាយរបស់ខ្លួន ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖