អីយ៉ាស់! Man UTD កំពុងតាមល្បួងយកខ្សែប្រយុទ្ធស្លាបរបស់ Real Madrid រូបនេះ

បរទេស៖ ក្លិបបិសាចក្រហម Manchester United ត្រូវបានគេរាយការណ៍ថា កំពុងតាមល្បួងយកខ្សែប្រយុទ្ធស្លាបរបស់ Real Madrid កីឡាករ Arda Guler។ 

ជាការពិតណាស់ Arda Guler ត្រូវបាន Real Madrid ចុះកុងត្រាយកបានពីក្លិប Fenerbahce នៃលីគកំពូល តួកគី កាលពីឆ្នាំ ២០២៣ កន្លងទៅ ហើយខ្សែប្រយុទ្ធវ័យ ១៩ ឆ្នាំរូបនេះ បានដាក់ប៊ិចចុះកុងត្រាជាមួយក្រុមអធិរាជសដល់ខែ មិថុនា ឆ្នាំ ២០២៩ ឯណោះ។

ទោះបីជាយ៉ាងណាក៏ដោយ ក្នុងការរួមរស់ជាមួយ R.Madrid ២ រដូវកាលមកនេះ Guler ហាក់ពុំសូវមាននាទីលេងទាល់តែសោះ ជាពិសេសគឺនៅរដូវកាលនេះតែម្តង ប៉ុន្តែរូបគេនៅតែបោះបង់នោះទេ ដោយថ្មីៗនេះរូបគេបានប្តេជ្ញាចិត្តថា គេគឺចង់បន្តស្នាក់នៅទឹកដី Santiago Bernabeu បន្តទៀត។

ប៉ុន្តែសារព័ត៌មាន Diario SPORT បានចុះផ្សាយថា ឥឡូវនេះ Guler កំពុងធ្វើការពិចារណាឡើងវិញក្នុងការចាកចេញពី R.Madrid បន្ទាប់ពី Man UTD បានដាក់សំណើយ៉ាងមានសក្តានុពលចង់បានរូបគេទៅកាន់ទឹកដី Old Trafford៕

ប្រភព៖ Sportskeeda