ភ្នំពេញ៖ ពិតណាស់ ជីវិតគ្រួសារមិនអាចគេចផុតឡើយរឿងប៉ះទង្គិចពាក្យសម្តី រកាំរកុសនូវទង្វើផ្សេងៗ ប៉ុន្តែអាស្រ័យទៅលើដៃគូទាំងពីរចេះយោគយល់អធ្យាស្រ័យគ្នាបានដល់កម្រិតណា។ ក្នុងនោះ មិនខុស អីពីគូស្វាមីភរិយា Admin ជីងចក់ ក្រោយបើកចិត្តចរចាពិភាក្សាគ្នាលើកយកហេតុផលមកនិយាយគ្នាដោយសន្តិវិធី អ្នកទាំងពីរក៏បានត្រូវរូវគ្នាវិញ។

មិនតែប៉ុណ្ណោះ ក្រោយពីផ្សះផ្សាសម្របសម្រួលគ្នារួចស្រេចអស់ហើយនោះ ស្រាប់តែ ភរិយាពូចក់ ចេញមុខមកនិយាយថា ខ្លួនមិនខ្វល់នឹងសម្តីអ្នកដែលរិះគន់ដៀលជេនាងរឿងប្រកាសថាលែងលះគ្នាហើយ ក៏ត្រលប់មកយកគ្នាវិញនោះឡើយ។ ផ្ទុយទៅវិញ អ្នកនាងបែរជានិយាយថា បើខ្លួននិងស្វាមីបើកចិត្តរស់នៅជាមួយគ្នាវិញ ហើយមានក្តីសុខ ទៅខ្វល់អីនឹងសម្តីអ្នកដែលជេនោះ។

ក្រោយបានឃើញដូច្នេះ ក៏មានអ្នកអបអរសាទរជាច្រើនផងដែរ ព្រោះមានហ្វេនៗមិនតិចនោះទេ ដែលចង់ឃើញគូស្វាមីភរិយាមួយគូនេះត្រូវវូវគ្នាវិញបែបនេះ៕

សូមទស្សនារូបភាព និងជូនវីដេអូខាងក្រោម៖